x
 
Loading
 
3380 ] عـدد الـزائـريـن
لا توجــد صــور مـرفـقـة
  • 4 وراك مخلية
  • كوباية وربع رز ابيض مغسول ومطصفى
  • واحد كبدة وقوناصة
  • ملعقة كارى صغيرة
  • ملعقة كركم صغيرة
  • كيس صلصة
  • أما مقادير التتبيلة فهي:
  • بصلة كبير
  • طمطماية
  • ملح
  • فلفل
  • بهارا
  • ورق لورا
  • عصير 2 ليمونة
  • ملعقتين خل
  • أى نوع من البهارات
أولا لتحضير التتبيلة : أضربي كل المقادير دي في الخلاط يبقى انتي كده حضرتي التتبيلة يا شطورة
جيبي الوراك المخلية وادعكيها في التتبيلة وسبيها من بليل لغاية الصبح يعني حوالي 12 ساعة، وحطي معاها الكبدة والقوناصة وسبيهم.
تاني يوم قطعي الكبدة والقونصة قطع صغيرة وشوحيها فى معلقتين زبدة او زيت وشوية فلفل، وانتي بتحمريهم خدي معلقتين تلاته من تتبيلة الوراك مع شوية كارى او كركم وحطيهم على الكبده والقناصة وهي بتتشوح.
بعد دقيقة من التقليب ضيفي الرز للتشويحه، وقلبيهم شوية، وبعدين حطي ربع كوباية مايه وهدى النار لمده عشر دقائق.
بعد كده أطفى النار، وأحشي الوراك بالارز المتشوح بالتتبيله، أزاي؟؟ بصي يا ستي أفردي الورك على ورقة فويل بس متشديش الجلدة أوي، حطي الرز ولفيها كويس فى ورقة الفويل، واقفيلها جامد قوي عشان متفكش.
خدي بالك قبل ما تبدي في موضوع الحشو ده تكوني حطيتي حلة مايه على النار وفيها وبصلة مقطعة وطمطماية مقطعة وورقتين لورا وشوية ملح وفلفل، وده عشان تسلقي فيها الوراك بعد متحشيها.
وأول ما تغلي الماية حطي الوراك الملفوفة بورق الفويل، واسلقيها حوالى نص ساعة عشان الرز ميعجنش، أول ما تستوى طلعيها من الفويل وحطها فى صينية رشي عليها معجون الصلصة.
حتقوليلي بيتعمل أزاي، أقولك يا ستي، جيبي الصلصة وحط عليها نص كوباية مايه وشوية ملح وفلفل وأسقى بيها الوراك، وبعد كده دخلي الصنية الفرن لحد ما تتحمر. ويارب تعجبكم الوصفة وبالهنا والشفااااااااا
.لايوجد علامات

أبـلغ عـن
أعجبني
لم يعجبني

 
برجاء تسجيل الدخول لكي تتمكن من إضافه تعليق

© 2011 Bravo Agency - Developed by Good News 4 Me